Isang importanteng rule ng first aid o kahit anong emergency protocol ay ang sagipin muna ang ating sarili bago sumagip ng iba. Sa kultura ng Pilipino ay hindi gaanong yinayakap ang ganitong mindset - dito sa atin, madalas ay nagiging priyoridad natin ang ating mga anak o pamilya. Ngunit, maganda rin pag-isipan: "Kaya mo ba magbigay kung ikaw ay nauubos na?"

Para sa panghuling modyul ng Super Gabay Parent Training Series ay tuklasin natin ang super gabay power na kayang patatagin ang tahanan sa pamamagitan ng positibo at aktibong pakikitungo sa ating sarili at sa ating anak. Dito rin natin pinagtutuunan ng pansin ang social and emotional learning ng mga bata, kasama na rin ang bahaginan ng tips kung paano natin mapapaunlad ang wellbeing natin at ng ating mga anak.

‍

Mga Layunin

• Matutuhan ang isang simpleng paraan upang masukat ang inyong wellbeing.
• Alamin ang Social Emotional Learning Framework at ang kahalagahan nito sa pag-unlad ng inyong anak.
• Alamin ang iba’t ibang socio-emotional challenges na kinakaharap ng inyong anak, at tuklasin kung paano ninyo sila masusuportahan sa mga hamon na ito.
• Magbahaginan ng mga simpleng estratehiya upang mapangalagaan ninyo ang inyong wellbeing.

‍

Pag-isipan Natin

Iba-iba ang nagdadala ng stress sa ating buhay, at iba-iba rin ang ating paraan upang maibsan ang ating stress.

Sagutan natin ang pangalawang hanay ("Anu-ano ang ginagawa ninyo para mawala ang inyong stress?") sa pahina 28.