Ang modyul na ito ay naglalayon na maturuan at mabigyan ng gabay ang mga magulang at tagapag-alaga — mga Super Gabay — ng sapat na kaalaman tungkol sa Digital Literacy at Digital Citizenship. Higit sa lahat, ikaw, bilang Super Gabay ay magkakaroon ng Gabay Power! Ang KONEK POWER!

Ito ang power na magbibigay sa iyo ng kumpiyansa sa sarili at kaalaman upang harapin ang mundo ng digital technology at magabayan ang iyong mga anak. Handa ka na ba, aming Super Gabay? Tayo nang magsimula!

‍

Mga Layunin

• Maipaliwanag kung ano ang kahulugan ng Digital Citizenship at digital space
• Makabuo ng isang konkretong ideya kung ano ang isang digital citizen
• Magamit ang mga nalalaman upang ibahagi sa pamilya kung ano ang digital citizenship.

‍

Pag-isipan Natin

• Anu-ano ang nakikita mong maaring maging epekto sa iyong pamilya kung kayo ay may Family Media Agreement?
• Paano mo maipapakita sa komunidad na ikaw ay isang digital citizen?